عنوان القصيدة / من الجدود لينا وجود / بقلم الشاعر المصري / أحمد سليم

من الجدود
 لينا وجود
ذي الأسود
ولا اي حاجه تهزنا
مصري اصيل
انسان جميل
ايد واحدة مع بعضنا

انا المصري انا المصري
راجل بجد وانا حصري
انا المصري انا المصري
ف أخلاقي سابق عصري

انا الحضارة والتحدي والإرادة
انا اللي اسمي ف التاريخ
محفور ياسادة
انا ابن النيل والهرم
انا الأخلاق والقيم
انا ابن مصر
انا الي بقود الأمم

انا المصري انا المصري
راجل بجد وانا حصري
انا المصري انا المصري
ف أخلاقي سابق عصري

انا ابن مصر
ابن الناس الطيبين
انا ابن مصر
بالأصالة معروفين
مصر عزيزة ومنصورة
في القرأن مذكورة
ادخلوها أمنين
دي مصر بلد الطيبين

أحمد سليم