ليه يادنيا دايماً معذبانه
ومهما نحبك بنلقاكي مغربانه
بتخلي في طريقنا ناس شارينها وهي بيعانه
واللي بيشترونا يادنيا تتوهيهم عننا
واللي يبيعونا تقربيهم مننا
واللي بنتمناهم علشان يفرحونا
بنلقاهم يعذبونا وما بيرحمونا
ورآحوا الحبايب فين يادنيا مش عارفين
اللي اشترونا بعناهم وللي باعونا شاريين
واللي دابوا في هوانا واتمنوا لينا الهنا
ماقَدَّرنا هواهم وكان نصيبهم هجرنا
وشربنا من بعدهم كاس العذاب والضنا
وعِشِقّْنا اللي مالقينا لعشقهم دوا
ونسينا اللي گانوا معني للهويٰ
واللي شربوه حبايبنا من قسوتنا
شوفناه ويا ناس حبيناها وما حبيتنا
ولقينا طريق العشق عذاب ونار أشواق
وآه من الهجر والجفا لما يكون نصيب العشاق
والعمر أيام وبتجري.وانتي يادنيا ظلمانه
نسهر ونبكي ونشكي.وحبايبنا مش دريانه
نحب ناس نتألم ونتعذب في غيابهم وبعدهم
ونهواهم.ماندوق الفرح يوم في قربهم
واللي اشترونا من ايدينا ضيعناهم.
واللي باعونا هما اللي عايشين معاهم
قاسينا علي حبايب حبيتنا ومايوم فرحناهم
وروحنا للي باعونا وصبحوا اعز الناس لينا
وضحينا بعمرنا وفي ودهم وفينا
العيب فيكي يادنيا ولا العيب فينا
وليه بنظلم.ونجرح اغلي مالينا
وليه بنقسي علي قلوب مليانه حنيه
ونجري ورا قلوب ماتعرف غير الأسيه
ونتحمل عذابنا.خايفين من اللاَّيمين وبقدرنا اللي انكتب علينا نقول راضيين
ان كان الحب يادنيا قدر ومكتوب.
ازاي عنه هنقدر يوم نتوب
وان كان الحب عذاب ومرار
يبقي غصب عنا يادنيا مش اختيار
صابرين عليكي يمكن يوم تفرحينا
وناخد حقنا منك وتحني علينا ما تعذبينا
وأدينا فيكي يادنيا عايشين ومش عارفين
إزاي ننام الليل وازاي ترتاح العين
ونفضل عايشين حياريٰ سهرانين
البال مشغول والفكر تايه والكل محتار
ومش بإيدينا يادنيا حتي الإختيار
لاقادرين نتحمل عذابنا ولا عارفين إيه آخر المشوار
وندور علي صدر حنون يِحّْضُنا ويطبطب علينا
نلقاهم فارقوا ديارنا كلهم ويا عيني علينا
نفسنا نعيش فيكي يادنيا مرتاحين
ليه تخلينا عايشين تآيهين ومحتارين
وآخر المشوار يادنيا بنبقي كلنا ليه خسرانين
حقوق الملكيه محفوظه
ليست هناك تعليقات:
إرسال تعليق