عنوان القصيدة / حدودي حدود الكون والانسان / بقلم الشاعر / عازار الريم

............فطفة حبق.......

             حدودي حدود الكون و الانسان

شعر باللغة المحكية

بهديهااليوم لصديقتي الغاليي سوسن الحداد.
يسعدصباحكون  بالأمل و الحب و الحياة
الكلام اللي بوجهو للمرأة او الرجل طبعا بيخص التنين سوا وقدر الامكان بستخدم نون النسوة بدلا من ميم المذكر.
مابشوف درويش في الدنيا اكتر من اللي مابيحب من نساء الكرة الارضية غير مرتو ولا اتعس من اللي مابيحب من الاولاد غير ولادو واحفادو ولا اشقى من اللي مابيحب من عيل الدنيا غير عيلتو ولابيقبل من المذاهب والاديان غير دينو ومذهبو ولا في مهبول عن اللي مابيحب من الاوطان غير وطنو ولا مصروع عن اللي مابيحب من اللغات غير لغتو ياخيي ماحدا مانعك تحب مرتك واولادك وعيلتك ودينك ومذهبك وبلدك ولغتك اكتر شي في الدنيا بس ماتكره نساء واولاد وعيل واديان ومذاهب واوطان ولغات العالم وماراح قلك تصير متلي مجنون وحر متل مابيحلا لصديقتي غيثاء محمد تسميني لما بيجي عبالا تمدحني طيب كون متل العصفور اللي بيغني للعالم وللحياة او متل الوردة البيفوح عبيرا للعالم وللحياة سامحوني طولت عليكون.

......  .......حدودي حدود الكون والانسان..

حدودي حدود الكون والانسان

            حدود المحبي الساكنا الوجدان

لافرق عندي بين لون ولون

           تاجر غني أو ..عامل وطفران

صيني وهندي او..من السودان

          سوري ومصري او...من اليابان

سويدي فرنسي او من الافغان
 
           مسلم مسيحي او ..تارك الاديان

        حدودي حدود الكون والانسان

تأملو كيف الزهر وجهو هني

             ان كان نرجس او نضارة سوسني

كيف الطيور مغردي ومدلعني

          عليت بيجانح حر عاوسع الدني

خليك متلا وشموخك يغتني

         وعيش المحبي بقوة الايمان

     حدودي حدود الكون والانسان .